الأحد 20/أبريل/2025 – 12:02 م
رد الإعلامي أحمد، على العديد من التساؤلات بشأن القوة المالية للنادي الأهلي، بعد نجاح الإدارة في إبرام العديد من الصفقات الفترة الأخيرة واقتراب التعاقد مع زيزو نجم الزمالك.
تصريحات شوبير
قال شوبير في تصريحات إذاعية: “ليه لما بيكون في حد تحاسبه وتقوله أنت ناجح ليه؟ بتجيب بطولات وفلوس إزاي؟، أنت عايزني أخسر وأبقى مفلس، هو عمل مشروع وشركة وجاب إيرادات ورعاية فأخد فلوس وبطولات.”
وتابع: “أنت بتسأل هو بيجيب فلوس منين؟ طول ما أنت بتشتغل العجلة بتدور وبتعرف تجيب دخل، لكن متشتغلش وفلس وقول للدولة اديني فلوس، الدولة عندها أولويات أهم منك ومش هتديك فلوس علشان تشتري مدرب ولا لاعب.”
وواصل شوبير تصريحاته: “الدولة ممكن تديلك أرض بامتيازات معينة فتعرف تشتغل وتعمل فرع جديد للنادي، وتجيب عضويات وإيرادات، بدل ما أقول للناجح برافو بحاسبه؟ انت إدارتك مش جيدة ومش عارف تظبط الدنيا.”
شدد: “أتمنى كل واحد يبص لنفسه ويشوف أخطائه، لكن الناس بتقدم مناشدة إلى الرئيس بدعم الأندية الجماهيرية بالتساوي، بدل من دعم نادي واحد بحجة إنه يحقق بطولات أكتر من المنتخب.”
واختتم شوبير تصريحاته: “هل الدولة هتدعمك علشان مباريات كرة قدم أو سلة أو فريق سباحة؟”
وكان هشام نصر نائب رئيس نادي الزمالك رد على تساؤل بشأن مصادر الأهلي المالية، حيث قال في تصريحات تلفزيونية: “لا أعلم هذا السؤال يوجه إلى إدارة الأهلي، هم قوة مالية غير عادية تم بنائها على مراحل طويلة جدًا.”